Na tutej stronje smy najwažniše informacije k spočatkej studija w zymskim semestrje 2023/24 na Instituće za sorabistiku zjeli. Wjeselimy so, zo sće so za studij pola nas rozsudźili a chcemy Wam z tutymi informacijemi orientaciju na spočatku studija wolóžić.
Rady wopytajće tež centralnu stronu Lipšćanskeje uniwersity Studienstart. Tam namakaće powšitkowne a wažne informacije kaž tež hódnotne pokiwy za poradźeny spočatk studija.
Při prašenjach k studijej na našim instituće namakaće pomoc na stronje studijneho poradźowanja sorabistiki.
Zapisanje do modulow
Zapisanje do modula je zdobom přizjewjenje k modulowemu pruwowanju a přewjedźe so na Instituće za sorabistiku přez TOOL. Za module hłowneho předmjeta sće awtomatisce přizwoleni, při modulach wólbnowinowatostneho, wólbneho abo klučnokwalifikaciskeho wobłuka trjebaće přirjadowanje, kiž maće pak potom hišće wobkrućić. Bjez wobkrućenja njejsće k modulej přizjewjeni. Po tydźenju so daty do AlmaWeba migruja. Hač do deleka podateho dnja móžeće so w TOOLu wot modula wotzjewić, po ty jenož w AlmaWebje.
- Zapisanje do modulow statneho eksamena wučerstwa serbšćiny:
wot 25.09.2023, 12:00 hodź. hač do 02.10.2023, 17:00 hodź. - Zapisanje do modulow hłownych předmjetow B. A. a M. A.:
wot 27.09.2023, 12:00 hodź. hač do 02.10.2023, 17:00 hodź. - Zapisanje do modulow wólbneho wobłuka a klučowych kwalifikacijow:
wot 27.09.2023, 12:00 hodź. hač do 02.10.2023, 17:00 hodź. - Wozjewjenje wo přirjadowanju wólbneho wobłuka a klučowych kwalifikacijow:
hač do 04.10.2023, 12:00 hodź. - Wobkrućenje moduloweho městna we wólbnym wobłuku a klučowych kwalifikacijach:
wot 03.10.2023, 12:00 hodź. hač do 05.10.2023, 23:59 hodź. přez studowaceho - Wotzjewjenje wot modulow w AlmaWebje hač do štyri tydźenja do kónca wučbnych zarjadowanjow přez Almaweb
Terminy a časy
Zymski semester 2022/23
| podawk, zarjadowanje | termin, čas |
|---|---|
Započatk semestra | 01.10.2023 |
05.10.2023 | |
Započatk wučbnych zarjadowanjow | 09.10.2023 |
| Reformaciski dźeń (bjez čitanjow) | 31.10.2023 |
Pokutny dźeń (bjez čitanjow) | 22.11.2023 |
Dies academicus (projektny dźeń) | 04.12.2023 |
Přechod do noweho lěta (bjez čitanjow) | 20.12.2023 do 02.01.2024 |
Dźeń wotewrjenych duri | 11.01.2024 |
Kónc wučbnych zarjadowanjow | 03.02.2024 |
| Wróćopřizjewjenje k lětnjemu semestrej | 01.12.2023 do 15.02.2024 |
Kónc semestra | 31.03.2024 |
Zawodne zarjadowanje
Štwórtk, 05. oktobra 2023 w 14:00 hodź. wotměje so zawodne zarjadowanje Instituta za sorabistiku Zahajenje semestra a tradicionelne twarjenje hodźinskeho plana. Studowacy wšitkich studijnych předmjetow našeho instituta su wutrobnje witani. Zetkanje wotměje so we jstwě H1 2.16 Duchowowědneho centruma, Beethovenowa dr. 15, 04107 Lipsk.
