Wuměnjenje za studij wučerstwa serbšćiny su znajomosće serbšćiny na niwowje B1 po zhromadnym europskim referencnym ramiku, kotrež móža so docpěć w našim dwusemesterskim propedeutikumje.
Pozadk
Institut za sorabistiku Lipšćanskeje uniwersity je po cyłym swěće jeničke wukubłanske městno za wučerki a wučerjow hornjo- a delnjoserbšćiny. Zdźerženje tuteju rěčow je po wustawach nadawk krajow Sakskeje a Braniborskeje, a wučerjo serbšćiny so nuznje pytaja. Tuž skići so tu jónkróćna składnosć za engažowany dorost, tute naše kulturne kubło wobchować pomhać.
Hornjoserbšćina za ludźi bjez znajomosćow serbšćiny
Wot lěta 2019 poskićuje naš institut studijny směr wučerstwo serbšćiny tež za ludźi bjez znajomosćow serbšćiny. W běhu intensiwneho lěta móža sej nowačkojo znajomośce hornjoserbšćiny na niwowje B1 po europskim referenčnym ramiku přiswojić. Na to so normalny studij wučerstwa serbšćiny přizamknje. Narok na BAföG so w tym padźe wo dwaj semestraj podlěši.
Propedeutikum
Propedeutkum traje dwaj semestraj a wobsteji z dohromady štyrjoch modulow. Dyrbiće so wob semester do dweju modulow zapisać z 18 semesterskich hodźin:
Zymski semester
| modul | zarjadowanje | hodź. | pruwowanje | wukonowe dypki |
|---|---|---|---|---|
04-009-9003 | Aktiwizowanski kurs hornjoserbšćiny I | 12 | klawsura 90 mjeń., | 20 |
04-009-9001 | Hornjoserbšćina za započatkarjow | 6 | klawsura 90 mjeń., ertne pruwowanje 15 mjeń. | 10 |
Lětni semester
| modul | zarjadowanje | hodź. | pruwowanje | wukonowe dypki |
|---|---|---|---|---|
04-009-9004 | Aktiwizowanski kurs hornjoserbšćiny II | 12 | klawsura 90 mjeń., | 20 |
04-009-2000 | Přehladna wěda serbskeje rěče | 1 | ertne pruwowanje 15 mjeń. | 10 |
| Přehladna wěda serbskeje literatury | 1 | |||
| Hornjoserbšćina za započatkarjow | 4 |