Smy najwažniše informacije k spočatkej studija w zymskim semestrje 2024/25 na Instituće za sorabistiku zjeli. Wjeselimy so, zo sće so za studij pola nas rozsudźili a chcemy Wam z tutymi informacijemi orientaciju na spočatku studija wolóžić.
Rady wopytajće tež centralnu stronu Lipšćanskeje uniwersity Studienstart. Tam namakaće powšitkowne a wažne informacije kaž tež hódnotne pokiwy za poradźeny spočatk studija.
Při prašenjach k studijej na našim instituće namakaće pomoc na stronje studijneho poradźowanja sorabistiki.
Organizować
Zapisanje do modulow
Zapisanje přewjedźe so na Instituće za sorabistiku přez TOOL. Za module hłowneho předmjeta sće awtomatisce přizwoleni, při modulach wólbnowinowatostneho, wólbneho abo klučnokwalifikaciskeho wobłuka trjebaće přirjadowanje, kiž maće pak potom hišće wobkrućić. Bjez wobkrućenja njejsće k modulej přizjewjeni. Po tydźenju so daty do AlmaWeba migruja. Hač do deleka podateho dnja móžeće so w TOOLu wot modula wotzjewić, po ty jenož w AlmaWebje.
- Zapisanje do modulow statneho eksamena wučerstwa serbšćiny:
wot 30.09.2024, 12:00 hodź. hač do 07.10.2024, 17:00 hodź. - Zapisanje do modulow hłownych předmjetow B. A. a M. A. kaž tež wólbneho wobłuka a klučowych kwalifikacijow:
wot 02.10.2024, 12:00 hodź. hač do 07.10.2024, 17:00 hodź. - Wozjewjenje wo přirjadowanju wólbneho wobłuka a klučowych kwalifikacijow:
hač do 08.10.2024, 12:00 hodź. - Wobkrućenje moduloweho městna we wólbnym wobłuku a klučowych kwalifikacijach:
wot 08.10.2024, 12:00 hodź. hač do 09.10.2024, 23:59 hodź. přez studowaceho - Wotzjewjenje wot modulow w AlmaWebje hač do štyri tydźenja do kónca wučbnych zarjadowanjow přez Almaweb
Wažny pokiw: Zapisanje do modula je zdobom přizjewjenje k modulowemu pruwowanju!
Terminy a časy
Zymski semester 2024/25
| podawk, zarjadowanje | termin, čas |
|---|---|
| Zapisanje do modulow (hlej horjeka) | 30.09.2024 (wučerstwo), 02.10.2024 (B. A., M. A., wólbny wobłuk, klučowe kwalifikacije) |
| Započatk semestra | 01.10.2024 |
| Zawodne zarjadowanje Instituta za sorabistiku | 10.10.2024 14:00 hodź. |
| Započatk wučbnych zarjadowanjow | 14.10.2024 |
| Reformaciski dźeń (bjez čitanjow) | 31.10.2024 |
| Pokutny dźeń (bjez čitanjow) | 20.11.2024 |
| Dies academicus (projektny dźeń) | 02.12.2024 |
| Přechod do noweho lěta (bjez čitanjow) | 23.12.2024 do 04.01.2025 |
| 10. dźeń wučby (wot 13:00 hodź. bjez čitanjow) | 22.01.2025 |
| Kónc wučbnych zarjadowanjow | 08.02.2025 |
| Wróćopřizjewjenje k lětnjemu semestrej | 01.12.2024 do 15.02.2025 |
| Kónc semestra | 31.03.2025 |
Zawodne zarjadowanje
Štwórtk, 10. oktobra 2024 w 14:00 hodź. wotměje so zawodne zarjadowanje Instituta za sorabistiku Zahajenje semestra. Studowacy wšitkich studijnych předmjetow našeho instituta su wutrobnje witani. Zetkanje wotměje so we jstwě H1 0.15 (přizemjo, dom 1) Duchowowědneho centruma, Beethovenowa dr. 15, 04107 Lipsk.
